Fayalobi dey
Fayalobi gi den dot’wagiman
f’di owruyari e koyr’ e kon
broko awinsi wan enkri wan
yu d’a dyonpo ef’ y’ libi sdon
fayalobi gi den dot’wagiman
pot’ wan taki na y’ dot’ baki
de eksenpre gi un kondreman
tay wan taki n’a saka, wan taki
mi dyari krin, mofo doro krin
m’ati e poko mi yeye sdon
wan nyun yari e koyri e kon
un hebi d’e opo, e tek’un smeri
mek’ un ter’ den man dis’ tide
tay wan taki n’a saka, wan taki.
Celestine Raalte
2 nov 2011
Compilatie 1e en 2e jaars
ODE AAN DE VUILNISMAN
Fayalobi dey
Fayalobi gi den dot’wagiman
tudewroko mmanten doro
den dot’wagi man e kon
un tyar’ den fayalobi kon
bami baki di den abani kba nyan
na dya den trowe yu, fa dat’ kan
tide dot’wagi sa tyar’ yu gwe
fayalobi gi den dotwagiman
broko sturu dan go f’y’dan
no frede tak’ y’o abi fu tan
wroko kba, we dan go f’y dan
fayalobi gi den dot’wagiman
owru grit’griti yu tak’taki misi
f’ kukru, n’a ten kwer’ y’ tifi so
no go kruderi nanga den man no
go nyan den man nangra leki
fa yu nyan di fu mi, tyar’ wan
fayalobi gi den dot’wagiman
d’e opo un hebi, e tek’ un smeri
den anu e teki ala doti, den di
fu unu e tan krin, pot’ a winsi
wan fayalobi gi den dot’wagiman.
17 januari 2012
Samengesteld door de leerlingen.
met Celestine Raalte.
ODE AAN EEN DING
Owru otobanti
y’e luku dundun, e tan kweki
dengemaskita dya, no prakseri
tak’ a dyadya y’ dyadya
m’e kbri e luku fa y’e poko
te fur’mun e doro, te son opo
y’e luku dundun
m’ o furu y’ ‘anga blaka doti
pran’ monalisa ‘anga sangrafu
na ini yu
dan m’o ferfi yu grun
dan y’ sa kba f’ e poko
yu poko na ini fur’mun.
Celestine Raalte
KLANKGEDICHT
Mi sdon ini a son e brenki
mi awarakoko fingalinga
m’e frifi en t’a kba m’o weri
en na mi fingalingafinga
den frafra geri krerekrere
nanga bogobogo anga lanpu
e gro leki trutru tru konpe
na sey a frustu broko skotu
bifo mi opo mi gorogoro
f’ bar’ tak’dyaktikakalaka
e koyri lek’ ba kownu a prasi
pakanifowru e strey lon
nanga a kayakayakaka
f’ swar’ a dyakti kakalaka
CELESTINE RAALTE
Geen opmerkingen:
Een reactie posten